Сябры!

Нашая супольнасць стала развіваецца. Ладзяцца дзесяткі мерапрыемстваў, ініцыятываў, мы дапамагаем патрабуючым тым, чым можам. Душпастырства беларусаў Варшава стала месцам, якое яднае - і гэта радуе.

Большасць нашай дзейнасці ажыццяўляецца на энтузіяме. Аднак ёсць рэчы, якія не могуць утрымлівацца толькі валанцёрамі. Штонядзелю на нашых службах гучыць арган, а штодзённа нашыя сацыяльныя сеткі вядзе адказны за гэта чалавек. Нашы святары ўтрымліваюцца выключна з ахвяраванняў вернікаў. Разам з гэтым - душпастырства беларусаў Варшавы не мае ніякага фінансавання ад нейкіх рэлігійных ці свецкіх арганізацый. Усё ўтрыманне супольнасці - гэта толькі і выключна ахвяраванні саміх вернікаў.

Мы зрабілі рэкурэнтны збор на нашу дзейнасць для тых, каму блізкая наша дзейнасць. Яго найбольшы плюс у тым, што вы можаце наладзіць сталае ахвяраванне, то бок кожны месяц з вашага рахунка будзе аўтаматычна спісвацца выбраная квота. 

Яго важнасць у тым, што ваша штомесячная падтрымка дапаможа нам закрыць базавыя патрэбы ў доўгай перспектыве. Нават невялікая, але сталая падтрымка дапаможа нашай супольнасці працягваць расці і развівацца.

На дадзены момант мы хочам збіраць 1500 зл штомесяц які будуць накіраваны на:

• аплату працы арганістаў (800 зл)
• аплату працы адказнага за вядзенне сацыяльных сетак (700 зл)

Мы заўсёды робім фінансавую справаздачу на нашым сайце і ў сацыяльных сетках, дзе можна паглядзець усе ахвяраванні і выдаткі і - пры жаданні - задаць пытанні.

Разам мы робім вялікую справу! Ужо сёння дзякуем кожнаму за падтрымку!