🔥 КУПАЛЛЕ ВА УРОЦЛАВЕ — 27 ЧЭРВЕНЯ 🔥

Купалле ва Уроцлаве ўжо шмат гадоў застаецца адной з самых вялікіх і любімых беларускіх летніх сустрэч. Кожны год мы збіраемся разам, каб спяваць, танчыць, плясці вянкі, знаёміцца, сустракаць старых сяброў і проста добра праводзіць час у беларускай кампаніі😊

У гэтым годзе свята таксама ладзіцца без грантавага фінансавання і камерцыйных спонсараў. Каб Купалле адбылося, нам неабходна аплаціць біяпрыбіральні, намёты, лагістыку, матэрыялы для майстар-класаў, прадукты для грылю, дарогу для запрошаных гасцей і іншыя арганізацыйныя выдаткі. Агульны бюджэт мерапрыемства складае каля 4000 злотых.

Таму прапануем зрабіць тое, што беларусы заўсёды ўмелі лепш за ўсё: скінуцца разам на агульную справу.

Гэта свята робіцца для нас усіх і існуе дзякуючы нам усім. Калі вы хочаце, каб такія беларускія традыцыі працягвалі жыць ва Уроцлаве і надалей, будзем вельмі ўдзячныя за падтрымку🌺

🎉 Праграма святкавання

🕐 13:30–17:00 — дзённая праграма

• мастацкі пленэр

• пазнаёмкі і нефармальныя актыўнасці

• варштат па вырабе сшыткаў

• кірмаш рамеснікаў

• грыль і прастора для адпачынку

• дзіцячая прастора

🌿 17:00–21:00 — абрадавая частка

• традыцыйныя купальскія абрады

• спевы

• танцы

• народныя гульні і забавы

🔥 21:00–22:00 — вогнішча

• скокі праз вогнішча

• пусканне вянкоў на ваду

• карагоды

• супольныя спевы

🧺 Што варта ўзяць з сабой?

• традыцыйны або «калятрадыцыйны» строй

• сродкі ад камароў і кляшчоў

• кветкі і стужкі для вянкоў

• наяўныя грошы на кірмаш і грыль

• добры настрой

• данаты на пакрыццё выдаткаў, звязаных з арганізацыяй свята

📍 Дзе?

Strachocin, https://maps.app.goo.gl/NE119JFmkeZwCEai8

👣 Як дабрацца?

Найбліжэйшыя прыпынкі — Biskupin і Bartoszowice. Побач ёсць бясплатны паркінг.

🕓 Калі?

Субота, 27 чэрвеня. Пачатак праграмы а 13:30.

Будзьма разам у самы доўгі і самы чароўны час года! Запрашаем усіх — і тых, хто адзначае Купалле кожны год, і тых, хто толькі адкрывае для сябе гэтую беларускую традыцыю.