Прэм’ера драматычнага спектакля-містэрыі запланавана на 30 красавіка ў Беластоку. Уваход вольны. Шчыра запрашаем і чакаем кожнага з вас! Для тых, хто не зможа прысутнічаць, мы плануем падрыхтаваць і апублікаваць відэазапіс спектакля.

«Інсургенты» – гэта п’еса пра тых, хто з адвагай стаў на шлях змагання за свабоду і незалежнасць, пра ахвяры і перамогі, пра боль і надзею. Гэта гісторыя, якая гучыць актуальна і сёння – калі беларусы зноў мусяць змагацца за свае правы, за сваю культуру, за сваю мову, за сваё жыццё.

Гэтая пастаноўка мае на мэце не толькі вяртанне беларусам іх голасу і гісторыі, але і натхненне на новыя ініцыятывы і дасягненні.

Выдаткі на ажыццяўленне пастаноўкі ўключаюць:

Працу з касцюмамі і дэкарацыямі, гук, музыка ,святло, мультымедыйнае афармленне, ганарары актораў . Таксама плануецца запіс спектакля ў відэафармаце для размяшчэння на інтэрнэт-пляцоўках.