Сёння ў Беларусі засталіся ўнікальныя носьбіты беларускай традыцыйнай культуры, спевакі і спявачкі, таленавітыя музыкі з якімі мы знаёміліся і запісавалі падчас экспедыцый з 2014 - 2020 гг.

Гэтыя калектывы з розных рэгіёнаў Беларусі, яшчэ захоўваюць сваю аўтэнтычнасць і самабытнасць, але ж з кожным годам такіх людзей становіцца ўсё менш і менш.

Мы з камандай Tradycyja вырашылі зрабіць важны падарунак для ўдзельнікаў гэтых гуртоў і для ўсіх нас: выдаць 6 унікальных альбомаў аўтэнтычнай музыкі і зрабіць дасяжнымi на вядомых інтернет пляцоўках.

Koжны спонсар атрымае альбомы ўсіх калектываў, і кожны калектыў атрымае ў падарунак USB флэшку альбомаў .

Падтрымаць праект можна і праз PayPal

Сабраныя грошы пойдуць на аплату:

• мастэрынга;
• звядзеньне альбомаў;
• укладанне;
• дызайн;
• мэнэджмент праекта;
• набыццё і дастаўка USB флэшак калектывам.

Плануецца выдаць Анлайн-рэлiзы 6 аўтэнтычных калектываў:

Дуэт Еўдакіі Зіновіч i Фёдара Булыгі (в. Вулька, Драгічынскі раён)

Аўтэнтычны калектыў “Хатовічы” (в. Хатынічы, Ганцавіцкі раён)

Калектыў “Чабатухі” (в. Сташаны, Пінскі раён)

Гурт “Каляжанкі”(в. Мачуль, Столінскі раён)

Палескі калектыў “Церабяначка” (в. Церабень, Пінскі раён)

«Любанскія музыкі» (Любаньскі раён)