Беларуская дыяспара ў Кракаве ўжо ў чацвёрты раз стварае вялікі Пікнік — і нам патрэбная ваша дапамога, каб зрабіць яго яшчэ лепей! 

Што такое «Беларускі Пікнік у Кракаве» і які ён быў у мінулыя гады

Беларускі Пікнік у Кракаве — гэта вялікі сямейны фестываль беларускай культуры, поўны розных актыўнасцяў. Летась да трох тысяч чалавек прыйшлі да нас у кракаўскі парк Jordana, каб патанчыць пад улюбёных беларускіх выканаўцаў, паслухаць лекцыі па гісторыі Беларусі, наведаць разнастайныя майстар-класы і раздзяліць асалоду ад летняга дня ў прыемнай кампаніі з новымі сябрамі і старымі знаёмымі. 

У гэтым годзе Пікнік займеў афіцыйную назву Letucień і свой унікальны дызайн. Фестывалю спаўняецца чатыры гады, ён ужо стаў добрай летняй традыцыяй кракаўскай дыяспары, якую мы хочам развіваць і паляпшаць.

Наш фестываль — гэта свята для ўсіх узростаў, дзе ёсць актыўнасці нават для самых маленькіх беларусікаў. Наша мэта — аб’ядноўваць беларусаў і беларусак, каб умацоўваць дыяспару ў Кракаве і разам ствараць карысныя і яркія праекты.

Хто мы

Усяго ў камандзе Пікніка — больш за 40 арганізатараў і арганізатарак, якія паклапоцяцца за кожную дэталь ад абсталявання пляцовак да ідэальнага дызайну ўсёq прасторы, каб Letucień быў прыгожым, камфортным і з магчымасцямі для адпачынку кожнага і кожнай. 

У каманды ёсць тры галоўныя арганізатаркі, якія каардынуюць агульную працу: Кася, Лера і Алёна.

Колькі каштуе арганізаваць Пікнік

У мінулым годзе з вашай падтрымкай мы сабралі 4,300 злотых на арганізацыю Пікніка, а таксама атрымалі 10 тысяч злотых ад горада. Гэтыя грошы пайшлі на арэнду сцэны і гукавой апаратуры, генератараў; намётаў, сталоў і крэсел; арганізацыю санітарнай зоны (туалетаў, сметнікаў), вады і ежы для валанцёраў; запрашэнне артыстаў і выступоўцаў, дзіцячых аніматараў, матэрыялы для мастацкіх майстар-класаў, друкаваныя матэрыялы. 

Сабекошт Пікніка ў 2022 годзе выйшаў каля 33 тысяч злотых, з якіх толькі арэнда генератараў і падрыхтоўка сцэны без ганарараў артыстам каштуюць да 7 тысяч.

Арганізатары Пікніка, таксама, як наведвальнікі, не бяруць сабе ганарараў і да таго ўкладаюць у Пікнік не толькі сваю працу, але і грошы.

Для таго, каб Letucień атрымаўся ў гэтым годзе, каб мы змаглі запрасіць класных артыстаў і артыстак, арганізаваць больш фудтракаў і месцаў для адпачынку, нам неабходна ваша падтрымка. Разам мы здольныя на самыя неймаверныя і цудоўныя рэчы.

Нам патрэбная вашая дапамога

У гэтым годзе ў нашай каманды маштабныя планы:

Дзякуючы вашым данатам мы зможам рэалізаваць усе ідэі і арганізаваць вялікае свята беларускай культуры ў Кракаве — пікнік Letucień. Станьце часткай гэтай унікальнай для горада падзеі і дапамажыце развіццю нашай дыяспары, каб у будучыні мы мелі яшчэ больш рэсурсаў для новых сумесных праектаў ад беларусаў і беларусак. Вялікі дзякуй!