Мы пачалі рамонт у новым памяшканні Суполкі!

Нам даўно не хапала месца для сустрэч, мерапрыемстваў і ініцыятыў, таму цяпер мы рыхтуем новую прастору, якой змогуць карыстацца сябры суполкі і ўсе, хто хоча зрабіць у ёй нешта сваё. Мы хочам, каб тут можна было праводзіць лекцыі, варштаты, размоўныя сустрэчы, настолкі, творчыя падзеі.

Рамонт мы робім уласнымі рукамі. Зараз у памяшканні трэба зашліфаваць і залакіраваць падлогу, пафарбаваць сцены, столь і дзверы, зрабіць плінтусы, прыбраць і нарэшце прывесці прастору ў нармальны стан.

На дадзены момант мы ўжо выдаткавалі больш за 2000 злотых. Мы набылі лак для падлогі, фарбу для сцен, працоўныя матэрыялы, плінтусы, гіпсакардон, шпаклёўку і штукатурку, а таксама арандавалі шліфавальную машынку і купілі стужкі для яе.

Наперадзе яшчэ закуп мэблі: сталоў, крэслаў, паліц, сейфа і іншых неабходных рэчаў, без якіх прастора не зможа нармальна працаваць.

Мы збіраем 7000 злотых, каб зрабіць месца, адкрытае для сустрэч, ініцыятыў і супольнасці.

Кожны данат — гэта рэальная дапамога ў стварэнні прасторы, якой потым змогуць карыстацца дзясяткі людзей.