Мяне завуць Архіпенка Андрэй, я гісторык, магістр паліталогіі і актывіст. Я жыву ў Польшчы ўжо 4 гады, але цяпер апынуўся ў цяжкай сітуацыі.

Што здарылася?

Да канца мінулага лета я працаваў у беларускім НДА, але фінансаванне скончылася, і я застаўся без працы. Спрабаваў знайсці працу па спецыяльнасці, але безвынікова.

Падпрацоўваў, каб трымацца на плыву, але апошнія месяцы і гэтай магчымасці не стала. Спрабаваў уладкавацца прадаўцом, на будоўлю, але мяне не ўзялі.

Апошнія месяцы бессоніца і дэпрэсія ўскладняюць пошук працы. Я працягваю шукаць фінансаванне на запіс успамінаў пра Алеся Адамовіча і даследаванне культуры памяці у Тайвані, але без стабільнага заробку гэта цяжка.

Я ўжо маю запазычанасць за кватэру за 2 месяцы – 3000 злотых. Калі не змагу аплаціць да канца месяца, рызыкую згубіць жыллё.

Мая маці стала ахвярай махляроў – яна паверыла ашуканцам і перавяла ім 3000 еўра, спадзяючыся зарабіць. Гэтыя грошы яна ўзяла ў пазыку, і іх трэба вярнуць.

Маці мае праблемы са здароўем, але, каб выплаціць даўгі, вымушана гандляваць кансервацыяй на рынку.

Я спрабаваў справіцца сам, але цяпер я ў адчаі, і мая адзіная надзея – на дапамогу добрых людзей.

Хто я?

У 2018 годзе стаў ініцыятарам праекта па ўшанаванні памяці Алеся Адамовіча. Дзякуючы ініцыятыўнай групе мы змаглі ўсталяваць першы помнік пісьменніку і стварыць арт-аб’ект "Прыпынак Адамовіча". Праект атрымаў прызнанне ў беларускай грамадзянскай супольнасці.

Пасля 2020 года я вымушаны быў пакінуць Беларусь. У Польшчы вучыўся на магістратуры, пасля працаваў у беларускім НДА, але фінансаванне скончылася.

Знайсці працу па спецыяльнасці ўскладняе мой узровень англійскай мовы (пакуль што A2). Таму я спрабую палепшыць англійскую і вучу традыцыйны кітайскі.

адчас пачатку вайны ва Украіне я быў першым, хто выйшаў да консульства Украіны ў Гданьску. Разам з аднагрупнікамі з Гданьскага ўніверсітэта арганізаваў збор дапамогі пад хэштэгам #StudenciDlaUkrainy.

Актыўны ўдзельнік беларускай дыяспары. Таксама займаюся даследаваннем Тайваня – яго шляха да дэмакратыі і культурнай памяці.

Працую над дакументальным фільмам пра Алеся Адамовіча, збіраю матэрыялы і фінансаванне. Спрабую скончыць курсы Frontend Development, каб атрымаць стабільную працу.

Куды пойдуць сабраныя грошы?

3000 злотых – на пакрыццё даўгоў за арэнду кватэры (2 месяцы).

1500 злотых – на базавыя патрэбы (харчаванне і камунальныя выдаткі пакуль не атрымаю ).

Каля 12 000 злотых – на пагашэнне доўгу маці

Я заўсёды дапамагаў іншым, але цяпер сам апынуўся ў крытычнай сітуацыі.

Калі вы можаце падтрымаць – нават маленькі ўнёсак можа даць надзею выйсці з гэтай складанай сітуацыі і стаць стала на нагі

Дзякуй усім, хто дапаможа!