Гэты збор створаны для падтрымкі дзейнасці Дома Творцаў — прасторы ў Варшаве, якая ўжо некалькі гадоў з’яўляецца апорай для беларускіх дзеячаў культуры.

Зараз праект апынуўся ў складанай фінансавай сітуацыі — нам неабходна дапамога, каб пакрыць штомесячныя выдаткі на камунальныя паслугі і ўтрыманне дома.

Каманда праекта штодня працуе над пошукам новых партнёраў, крыніц фінансавання і ўстойлівых мадэляў развіцця. Мы разумеем, што гэта нялёгкі шлях, але свядома выбіраем яго — бо верым у сілу культуры, салідарнасці і ўзаемнай падтрымкі.

📅 Нашы рэгулярныя выдаткі складаюць каля 3000 злотых (прыкладна 700 еўра). Гэтыя сродкі ідуць на:

💡 аплату электрычнасці, вады, газу і інтэрнэту

🧼 закупку бытавой хіміі, сродкаў гігіены і тэкстылю для рэзідэнтаў

🧹 уборку і тэхнічнае абслугоўванне прасторы

Ваш унёсак — гэта не проста фінансавая падтрымка. Гэта спосаб захаваць жывую, бяспечную і натхняльную прастору, у якой беларускія творцы могуць аднавіцца, ствараць, дзяліцца сваім мастацтвам і развіваць культуру.

Дом Творцаў — гэта не проста месца. Гэта супольнасць, у якой нараджаюцца ідэі, мацнеюць сувязі і гучыць голас свабоднай Беларусі.

Што ўжо зроблена:

🔸 Праведзена 8 арт-рэзідэнцый з удзелам больш як 500 дзеячаў культуры

🔸 Больш за 300 чалавек знайшлі часовы прытулак у Доме

🔸 Арганізаваны выставы, канцэрты, лекцыі і творчыя сустрэчы

🔸 Рэалізаваны стыпендыяльны праект — 10 творцаў(мастакі, музыкі, літаратары) з Беларусі атрымалі магчымасць жыць, тварыць і аднавіцца ў Варшаве

🔸 Падрыхтоўваецца 9-я арт-рэзідэнцыя і новая праграма мерапрыемстваў

Мы верым, што культура не мае межаў, а Дом Творцаў — гэта не толькі сцены, але супольнасць, салідарнасць і клопат.

🌐 Падрабязней: domtvorcau.com

💛 Падтрымайце нас на сталай аснове і/ці атрымайце натхняльны лот!