Вітаем, сябры!

Мы – Фонд “Беларусы ў Лодзі”, няўрадавая арганізацыя Беларусаў, якая знаходзіцца ў Польшчы. Многім з Вас мы ўжо знаёмыя, т.я. з'яўляемся неад'емнай часткай Дыяспары Беларусаў у Польшчы і ва ўсім свеце. І зараз нам патрэбна Ваша дапамога.

Мы маем вострую патрэбу ў каардынатары медыягрупы, які б вывеў нашу медыя-актыўнасць на высокі ўзровень, каб пра нас і нашу працу даведалася больш людзей, а сувязь з грамадскасцю стала шырэйшай. Акрамя спецыфічных кампетэнцый, падобная праца патрабуе значных намаганняў і затрат часу. Нашыя валанцёры, якія дапамагалі нам з працай медыягрупы раней, як і мы ўсе з'яўляюцца мігрантамі і не могуць сабе дазволіць надаваць яшчэ больш сілаў у інтарэсах фонду на валанцёрскіх пачатках.

Мы звяртаемся да ўсіх Беларусаў свету і просім Вас падтрымаць нас. Мы арганізуем збор сродкаў на аплату працы каардынатара медыягрупы Фонду "Беларусы ў Лодзі". З улікам усіх падаткаў і іншых выплат выніковая сума (брута-брута) складае 2000 злотых у месяц. Адпаведна збор разлічаны на 9 месяцаў працы каардынатара.

Мы верым, што любы, нават самы малы ўклад кожнага з Вас, прынясе карысць і дапаможа нам і далей цешыць Вас сваёй актыўнасцю.

Коратка аб фондзе "Беларусы ў Лодзі":

Фонд быў утвораны ў 2020 годзе, па клічы сэрцаў актыўных беларусаў, якія жывуць у Лодзі. Фонд пачынаў сваю дзейнасць для дапамогі і падтрымкі палітычным рэлакантам з Беларусі з мэтай змяншэння наступстваў палітычных рэпрэсій пасля выбараў 2020 года.

Цяпер дзейнасць фонду накіравана на падтрымку Беларусаў, Украінцаў і іншых іншаземцаў, якія пражываюць у Лодзі і Польшчы. Мы арганізуем курсы польскай мовы, аказваем інфармацыйную і псіхалагічную дапамогу, праводзім інтэграцыйныя і культурныя мерапрыемствы.

Наша дзейнасць з'яўляецца галоснай і нам важна знаёміць Вас з ёй праз нашы медыярэсурсы:

Старонка ў Instagram - https://www.instagram.com/belaruslodz/

Telegram - https://t.me/infoLODZBYwL

Facebook - https://www.facebook.com/bialorusini.w.lodzkim

Web - https://bialorusini-lodz.pl/