Szybka pomóc poszkodowanym #NaRatunekPowódź od Białorusinów. Дапамога беларусаў пацярпелым ад паводкі.

Мы, беларусы, удзячны народу Польшчы за дапамогу нам у час выпрабаванняў пасля падзей 2020. Таму ў час паводкі на поўдні Польшчы жадаем быць побач з палякамі і дапамагчы ім па меры нашых магчымасцей. Лічым патрэбным ахвяраваць тое, што можам сабе дазволіць, знаходзячыся на эміграцыі.

Збіраем у прасторы "Робім Разам" ежу (кашы, макароны, сухое малако, вада пітная, кансервы) і цёплыя рэчы, а таксама ахвяраванні па меры магчымасцей кожнага, каб потым пералічыць агульную суму на рахунак арганізацыі, якая займаецца на месцы трагедыі дапамогай пацярпелым ад паводкі.

Заахвочваем да салідарнасці беларусаў без розніцы палітычных поглядаў, беларускія арганізацыі ў розных гарадах Польшчы, арганізаваць збор гуманітарнай дапамогі ад прадстаўнікоў розных дыспар беларусаў Польшчы ў розных гарадах і мясцовасцях.

Палітвязень савецкіх лагяроў смерці, біскуп Баляслаў Слосканс, які пазней на эміграцыі апекаваўся беларусамі Францыі, Бельгіі пісаў: "Нацыя не загіне, калі яе заваюе моцны вораг. Нацыя загіне, калі страціць сваю маральнасць".