Фестываль халадніку ва Уроцлаве: Смак лета па-беларуску!

Што для вас лета? Цёплыя ночы, купанне ў вадаёмах, пах свежаскошанай травы? А для сапраўдных аматараў беларускай кулінарнай спадчыны лета мае свой асаблівы смак — смак халадніку.

Халаднік — гэта свежасць у кожнай лыжцы: кіслінка буракоў, духмяны кроп і пяшчота смятаны. Гэта смак, які нагадвае пра бабуліну кухню, пра дзяцінства, пра лета, што ніколі не сканчаецца.

Свята халадніку ад @belarusy_wroclawa ва Уроцлаве з’явілася дзякуючы Алесю Беламу — гісторыку, які ведае каштоўнасць мінулага і ўмее ажыўляць традыцыі, ствараючы сапраўднае свята.

У праграме:

 • гісторыя халадніку: ад сялянскай стравы да культурнага сімвала;

 • кулінарныя дэманстрацыі і смакаванне разнастайных варыяцый халадніку;

 • конкурс на найлепшы халаднік;

 • конкурс строяў у колерах стравы: апранайцеся ў ружовае, белае ці зялёнае!

Дзе і калі:

📍 31 траўня, 13:00, Park Kleciński

💸 Удзел: данаты

🧺 Бярыце коцы, сяброў, сям’ю і добры настрой!

Далучайцеся — няхай гэта лета пачнецца са смакам!